Search

DHAN-DHAN SATGURU TERA HI AASRA-Guru ji's answer to media question on 14 th september,2008

GURU JI’s ANSWER TO MEDIA QUESTION DURING SALABATPURA SATSANG HELD AT SIRSA ON 14th SEPTEMBER,2008


Que. Ninda V Sachi Baat Kehne Mei Kya Fark Hai?

Ans. Aaj Ghor Kalyug Hai.Gar Aap Kisi Ko Sachi Baat Kehte Ho To Kisi Se Sehan Nahi Hoti.Lekin Sachi Baat Koi Pyaar Se Maanta Ho To Batao,Samjhao Use.Agar Aap Kisi Dusre Ki Charcha Karte Hai To Wo Ninda Hi Kehlati Hai.Agar Koi Bura Kaam Kar Raha Hai To Aap Ek Do Baar Keh Do Ki Use Burai Se Hatana Hai Lekin Aap Baar Baar Us Baare Mei Kehta Hai To Wo Ninda Hi Hoti Hai.

Que:Kya Jeevatma Ko Apna Shareer Chhod Kar Apni Beeti Hui Jindagi Yaad Rehti Hai?

Ans: Ji Nahi,Pichhle Janamo Mei Pashu Pakshi Kya Bana Kuchh Bhi Pata Nahi Chalta.Lekin Jo Aatma Malik Ka Naam Lekar Jati Hai Usko Iski Jaankari Jeete Jee Hi Ho Jati Hai Kyoki Wo Apne Saare Paap Karam Kaat Leti Hai Or Malik Ki Gaud Mei Ja Virajati Hai.Agar Aapko Pichhli Zindagi Yaad Aa Jaye To Sawaal Hi Nahi Paida Hota Ki Aap Malik Ka Naam Na Jape.Lekin Kaal Ne Malik Se Yehi Sharat Rakhi Hai Ki Aatma Ko Jis Shareer Mei Mai Rakhu Weh Usi Mei Mast Rahe Or Jab Shareer Chhode To Pichhle Janam Ka Use Kuchh Bhi Yaad Na Rahe.

Que: Man Simran Mei Nahi Tikta Kya Kaaran Hai?

Ans: Man Se Ladna Padega.Chalte Bethkar,Kaam Dhandha Karte Thoda Thoda Simran Karte Raho.Man Ko Naam Ka Aadi Bana Lo.Simran Karte Hue Satsang Ke Vachno Par Amal Karte Jaoge To Ek Din Paani Bharega Aur Aap Man Ka Paani Bharna Chhod Doge.

Que:Guru Ji Shararti Log Insaniyat Shaitaniyat Ka Nanga Naach Dharm Ke Naam Par Kar Rahe Hai.Ye Kab Tak Chalta Rahega?

Ans: Samay Ki Koi Nishchtita Nahi Hoti Lekin Ye Nishchit Hai Ki Parmatma,Malik Sab Ko Dekh Raha Hai,Jo Bhi Dharm Ko Badnaam Karta Hai.Jo Bhi Rabb Ke Naam Par Logo Ko Tadpata Hai Wo Jada Samay Sukhi Nahi Reh Sakta Us Par Apna Asar Jarur Dikhata Hai.

Que: Ram Naam Lene Walo Par Hi Musibat Kyo Aati Hai,Jo Log Achhe Hote Hai Unko Malik Jaldi Kyo Bula Leta Haior Jo Kharab Hai Unko Nahi,Aisa Kyo?

Ans: Aisi Koi Baat Nahi Hai.Umar Ki Baat Hai Wo Malik Pehle Hi Likh Leta Hai.Kyoki Pehle Likh Diya Jata Hai Ki Is Shareer Mei Atma Is Samay Tak Rahegi.Aage Wo Karam Kese Karta Hai.Agar Wo Achhe Karam Karta Hai To Samay Ke Anusaar To Jana Padta Hai.Iska Matlab Yeh Nahi Ki Jinhone Gurumantra Le Liya Wo Is Duniya Se Nahi Jayenge.Jana To Sabko Hailekin Jisne Achhe Karam Kiye,Gurumantra Liya.Malik Ko Yaad Kiya Wo Aavagaman,Janam Maran Mei Nahi Bhatakti.Aur Malik Ko Gaud Mei Bethkar Sachkhand,Nijdham,Satlok Anaami Jati Hai.
Dura Sawaal Hai Ki Bhakto Par Takleef Kyo Aati Hai/Sone Ko Aag Mei Se Nikala Jaye To Usme Or Nikhar Aata Hai.Isi Tarah Malik Ke Sache Bhakt Kisi Burai Kisi Takleef Ki Parwaah Nahi Karte,Har Dukh Takleef Se Gujar Jate Hai To Malik Ke Or Najdeek Ho Jate Hai Or Daya Mehar,Rehmat Se Maalomaal Ho Jate Hai.Dusra Kaaran Yeh Bhi Hota Hai Ki Bhakto Ke Pichhle Janamo Ke Paap-Karam Yahi Par Isi Janam Mei Kat Jate Hai Or Paapiyan Ke Paap-Karam Bhad Jate Hai Jo Jahan Bhi Nark Or Agle Janam Mei Bhi Narak Hi Bhogte Rehta Hai.

Que: Charo Taraf Bamb Dhamake Ho Rahe Hai Inko Kisi Tarah Roko Ji.Jo Kehte Hai Ki Maas Mei Jada Taakat Hai Unke Liye Udharan Hai Ki Olympic Pehalwan Jo Bharat Mei Padak Lekar Aya Hai Wo Shudh Shakahaari Hai?

Ans: Shakahaari Bhojan Bahut Powerful Hota Hai.Isme Koi Shaq Nahi Hai.Bahut Sare Log Ajma Rahe Hai.Rahi Baat Buraiyon Ki To Santo Ka Kaam To Raat Din Malik De Dua-Ardaas Karna Hai Ki Malik Tere Bache Hai.Jo Bhi Tera Niyam Hai Uske Anusaar Buraiyon Ko Rok Lekin Jaldi Kar Kyoki Kaal Shaitaan Ka Zor Bad Raha Hai.Isliye Ghabrao Na Malik Jarur Rehmat Karega Or Ek Din Samaj Ka Sudhar Jarur Hoga.

Que: Agar Shaadi Ke Liye Satsangi Pariwaar Na Mile To Kya Dusre Pariwaar Se Shaadi Kar Sakte Hai?

Ans: Haan Kar Sakte Hai Lekin Agar Satsangi Mile To Sabse Behtar Hai.Kyoki Satsangi Pariwaar Milege To Bacho Ko Bahut Jada Khushi Hogi.

Que: Dhyan Lagan Eke Kya Lakshan Hai?

Ans: Jab Apka Dhyan Lagta Hai To Aapki Aankhon Ke Samne Ek Roshni.Alokik Parkash Aaega Jisse Pata Chalta Hai Ki Aapka Dhyan Lag Raha Hai.Uske Baad Apki Aatma Sharer Ko Chhodti Hui Upar Chadti Hai To Apko Mitha Mitha Ehsaas Hoga Aur Apko Puran Guru,Peer Faker Ki Jhalak Milni Shuru Ho Jaegi.Fir Ruhani Chadai Shuru Hoti Hai To Uske Baad Apne Aap Aage Se Aage Pata Chalta Rehta Hai.

Que: Aaj Kal Bacho Ka Rishta Karne Par Jo Computerized Kundali Milakr Guno Ko Milate Hai To Kya Gun Milane Chahiye Ya Nahi?

Ans: Hamare Khyal Se Unka Medical Check Up Karana Chahiye.Agar Apko Kuchh Karwana Hai To Medical Check Up Karwao Kya Pata Kya Bimari Ho?Gaon Ki Kahawat Hai Kipehle Saawan Mei Saas-Bahu Sath Nahi Rehti Lekin Yeh Bilkul Galat Hai Bahut Jagah Par Saas-Bahu Sath Rahi Lekin Na To Saas Mari Na Hi Bahu To In Pakhando Mei Na Pado.Jo Bahar Se Kuchh Bolte Hai Wo Andar Se Kuchh Or Hi Nikalte Hai To Wo Kya Hai ,Kya Karta Hai .Kya Kya Gun Hai,Avgunh Hai Yeh Jarur Pata Karwa Lo.Fir Sab Kuchh Thik Thak Hai.Ladka Ladki Ek Dusre Ko Pasand Karte Hai Kyoki Jindagi To Unhe Gujarani Hai.Maa-Baap Apni Jimmewari Ke Anusaar Ghar Pariwaar Dekh Le.

Que: Wo Samay Kitna Door Hai Jab Har Aadmi Sareaam Khulkar Malik Ka Naam Le Sakta Hai?

Ans: Parmatma Ka Namm Sareaam Se Lene Ka Matlab Yeh Nahi Hai Ki Ise Bilkul Rok Diya Hai.Malik Ke Naam Lene Ko Kabhi Koi Nahi Rok Sakta.Pralay Mahapralay Aayi Lekin Om,Hari,Allah,Waheguru Ka Naam Chalta Tha Chalta Hai Or Chalta Rahega.Har Cheej Mit Sakti Hai Lekin Malik Ki Anhad Dhun,Wo Awaaz Wo Roshni Jiske Sahare Ye Sansaar Jinda Rehta Hai Wo Kabhi Band Nahi Ho Sakti.

Que: Samaaj Ke Andar Julm V Buraiyan Had Se Jada Badh Rahe Hai Kya Ye Yug Badlne Ki Nishaniya Hai?

Ans: Shri Gurunanak Dev Ji Maharaj Kaha Karte Ki (Balya Dekh Rang Kartar De)Aage Aage Dekho Hota Hai Kya,Isliye Aap Malik Ke Rang Dekhte Jao Kyo Fikr Karte Ho? Jisna Malik Ka Naam Le Rakha Hai Wo Sahi Hai.Rabb Usko Khushiyan Deta Hai Isme Koi Shaq Nahi Hai.Apni Taar Dhridta Se Allah,Ram Se Jod Ke Rakho Taki Apko Anhad Dhun Sanai De Or Mritu Lok Mei Satyug Jese Sachkhand Ke Nazaare Le Sako.

Que: Agar Sapne Mei Darshan Ho Jate Hai To Wachan Pure Ho Sakte Hai Ya Sapna Hi Hai?

Ans: Weh Satguru Kai Baar Jeev Ke Bhyanak Karam Sapne Mei Darshan De Kar Kaat Deta Hai.Bhakto Ke Sath Aisa Aam Hota Rehta Hai.

Que: Apni Ruhaniyat Mei Choth Ram Moksh Deta Hai Jabki Itihass Gawah Hai Ki Jo Kaal Ke Dayre Mei Bhi Dev Hai Unhone Bhi Moksh Diya Hai.Bhakt Prahalad Ko Moksh Diya Hai?

Ans: Aap Moksh Ka Arth Samj Nahi Paa Rahe.Is Duniya Se Moksh Karwa Dena Ya Duniya Ke Dukh Hatwa Kar Such De Dena Usko Bhi Moksh Bolte Hai.Yahan Karam Kaatkar Narako Se Bahut Samay Ke Liye Swarg De Dena Yeh Bhi Moksh Hai.Dhruv Ka Adda Swarg Mei Lagaya Gaya Isme Koi Shaq Nahi Hai,Usko Bhi Moksh Bolte Hai,Lekin Chotha Ram Kon Sa Hai,Jisse Brahma,Vishnu, Mahesh Paida Hue Hai Wo Prakash Ka Stambh Chotha Ram Jiska Naam Lene Se Aatma Ko Wo Moksh Mukti Milti Hai Ki Wo Dobara Janam-Maran Ke Chakkar Mei Kabhi Nahi Aa Sakti Tatha Wahan Par Swarg Se Arabo Guna Badkar Nazaare Hai.Wo Moksh Or Mukti Sirf Or Sirf Chotha Ram Hi De Sakta Hai.

Que: Kya Yeh Sach Hai Ki 2012 Mei Duniya Khtam Ho Jaegi?

Ans: Log Itne Gap Marte Hai Ki We To Chaar Paanch Din Pehle Duniya Khatm Kar Rahe The.Aisa Ho Jaega,Wesa Ho Jaega.Ab Aap Khud Hi Socho Ki Kitna Jhuth Dikhaya Jata Hai,Sawaal Paida Hi Nahi Hota Ki Ais Akuchh Ho Sakta Hai.Yeh To Malik Ke Hath Mei Hai.Agar Apko Lagta Hai Ki 2012 Mei Kuchh Hone Wala Hai To Mali Ka Simran Karo.Malik Jane Uska Kaam!

Also follow this link to know more about satsang that day.

0 comments:

Post a Comment